Informazioni sull'opera

TESTO


PASCA DE APRILE

Est risortu! Che olan in s'istante

frantumadas sas predas de sa tumba

pustis
a bol'ispartu
che columba

Cristos arzat a Chelu triunfante.

Deus dimustrat gai chi sa vida

tantas bortas ofesa
abbirgonzada

inchet finzas sa morte
umiliada
cando
marrana
s'est fatt'attrivida.

Pro trinta francos
Giud'Iscariota

chin d'unu asu tradit su Messia.
Cominzat in cuss'ora s'agonia
e s'infamia manna 'e su "Golgota"

Est flagellad'a mort'e sos sordados
l'incoronan beffardos de ispinas

l'accusan de delittos e rapinas

d'eresias e atteros peccados.

Una ruche pesante che su tronu

li ponen in sas palas
poverittu.
No hat cummissu per'unu delittu

però l'occhien ca est troppu onu..


Ruet
s'arrizzat
ruet piegadu
sutta su pesu 'e sas curpas anzenas

ma
pro sos fizos suos in cadenas

est pront'a morrer
de nou incravadu.

A s'ora nona si est invocadu
a Babbu Mannu
poi
a unu trattu:
perdonalos,no ischin su ch 'anfattu!

arzat sos chizos e d'est ispiradu.

Tres dies dopo
narat su Vanzelu

dae sa tumba Cristos est risortu.
Sa morte
in veridade
non l'at mortu

ma l'at abertu sas jannas de Chelu.

O'est Pasca
Pasca bella 'e Aprile.
Mudas sun sas matraccas. In sa via
sas càmpanas isparghen allegria

sonand'a fest'in s'artu campanile.

Finzas pro tene
chias post'in ruche
su Deus bonu
est Resurrezione

ca si ti pentis
che i su ladrone

olas chin Cristos a prados de luche.

Santino Marteddu
Via Goceano 5
08029 SINISCOLA


SCHEDA DELL'OPERA
TitoloPASCA DE APRILE
Sezione
AutoreSantino Marteddu
NomeB20030047
Anno2003 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2003 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo