Paghe

Cal'est sa peraula pius amada
chi dia cherrer finas como
amiga affianzada?

Cal'est sa peraula pius colorada
fiorida in sos balcones de sas domos
e peri sas carrelas e in sas piattas cantada?

Cal'est sa peraula pius chircada
cussa cuada in sos chirrios de s'anima
e de onzi tempus inamorada?

Si narat 'Paghe'
e dae tottu sa zente bella est disizzada.
Promissa ma pagos l'ant carignada
calchiunu l'at furadu solu asos fuidittos
in sos chizones de su entu.

E nois cantu devimus battagliare
in custos tempos de amarguras
pro l'abbrazzare a su nessi unu momentu
in s'andera de s'avventura?

Pro bennere non bastat a la giamare
o a l'invocare in sas pregadorias.
Intro de a nois devimus gherrare meda
pro inchere non s'egoismu ebbia
ch'in rios de sambene colorat terra e mare
sa nostra vida.