Informazioni sull'opera
— PA' LA MORTHI D'UN BIDDISO' —
(da Catullo)
Pignidi, femmini ed innamuradi
E cantu è d'ommini di cori bonu.
Lu biddisò mòrthu è di la me' pizzinna,
Biddisò, gioia di la me' pizzinna,
Chi edda più di l'occi sói amaba:
Acchì éra un méri e 'si la cunniscia
Cantu una piccinnédda a mamma soia.
Nò si mubia mai da li faldhetti,
Ma brinchittendi inchibi, inoghi, in giru
Sóru a la padrona sóia pipiaba.
Abà si n'anda pà una via bugiósa
Là, dundi dizimi nò si torria mai.
Màri a te venghia, ombra di Papóschu,
Chi dugna cosa bedda ti zi porthi:
Un biddisò 'si beddu mi furesi.
Oh marasòrthi! Ischùru biddisò!
Pà cuipa tóia di la me' pizzinna
Milli di pientu rui l'occitti azzési.
(Vengu pà contu di la me' zidai)
-LA FORA DI GIAIU -
M'ammèntu la bonanima di giaiu
Càndu dizia di l'òmini in barrètta
A lu so' tempu allistrhidu e gàiu.
Oh, la to' bòzi giaiu, binidètta,
Pièna d'ebardhènti e di zigàrru,
M'ammèntu chi dizia la fòra antìga
nibòdi sènza fà un isghàrru:
-V'éra una vóltha un re, - Oh chi fadìga! -
Sassari paési éra e non zidài...-
E carignendi la so' bàiba antìga
La fora, ahimè, nò s'ammintaba mai.
-Era lu milliòttuzèntu allòra...-
Tinia lu didu vecciaréddu in sù.-
Pizzinni, aiò, curchedibi in bonóra...
Di la me' fòra non m'ammèntu più!
(Vengu pa' contu di la me' zidai)
- L'ULTHIMA SEMIDA -
Ammacchiu imburigadu
A fógu e fiara,
Da Santa Ciara 1)
Figiurendi
A pàrth'in giòssu,
Vèdi, nódida,
La mòrthi di lu sòri
Chi lassa in zéru
L'ulthima tràtta.
A l'occi ivàsciddadu,
In chistha dì d'isthiu,
Pari lu sòri ruiu
Chi si n'e murendi,
Sóru, un pròsthu di luzi.
(Vengu pà contu di la me , zidai)
1)- Rione di Sassari ormai scomparso: Piazza delle De
molizioni che il popolino chiama "Li casi ifasciadi".
L'ULTIMA ORA - Incanto avvolto/di fuoco e fiamma,/
da Santa Chiara/guardando/verso giù,/vedi, notevole,/
la morte del sole/che lascia in cielo/l'ultima trac
cia./All'occhio senza sensi/in questo giorno estivo,/
sembra il sole rosso/che stà per morire,/solo, un do
no di luee.
| Titolo | Pa' la morthi d'un Biddisò- La fora di giaiu- L'ulthima semida |
| Sezione | |
| Autore | Vengu pà contu di la me' zidai PSEUD |
| Nome | 1960-35 |
| Anno | 1960 |
| Argomento | |
| Descrizione | |
| Lingua | |
| Editore | Premio Ozieri |
| Contributore | Tecnoservice s.r.l. |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1960 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |