Informazioni sull'opera
TESTO
P O D E R
Poder
in su trainu 'e su tempus
sighire lughe de poesia
alluta cun fiammas de rima
colore oro e arghentu
e carignare lira
che mama sa prenda sua.
Poder
pintare peraulas
de milli colores
immerghidu in mare 'e paghe.
E s'alinu d'entu passizeri
ti murmutet
amore.
Poder
aberrer mente
cun giae de earidade
a omines massajos
chi ghian s'aradu de su mundu
e semenen laore
brundu
nieddu
biancu
in dulche sinfonia
d'umanidade.
Poder
bolare che nue de pantasia
cun alas biancas che nie
subra padros chena lacanas
nadende in mesu istellas
e ammirare
un sentidu sintzeru
su Criadu.
Giuseppe Chiconi
Cosssoine 23/08/1931
res» Sassari v.l. Barzini II
tel. 079/291844
SCHEDA DELL'OPERA
| Titolo | P O D E R |
| Sezione | |
| Autore | Giuseppe Chiconi |
| Nome | B20060015 |
| Anno | 2006 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2006 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |