Ottieri.

"Tiu Cubeddu" chin sa vena d'oro
torret ancora chin Musa divina
pro cantaro s'industre cittadina
sa perla vera de su Logudoro,

ricca de bonos,nobile de coro
de digna zonte sarda raighina;
funtana do poesia genuina,
de artos sentimentos,de decoros

Inie eat su bínomiu perfettu:
"eminas bollas chi paren panderas
omines ortes de bon'intellottu".

Ma non s'incanan de venas chimeras
asa terra issoro chin proffetu
e aburrin sas modas furistoras.

Sa civiltade noa.

Cantos imbentos,cantas moraizas,
macchinas,cosas,chi senus viende.
Motores,alas,missiles e frízzas,
tottu si moet,tottu est cammínende.

Non paret beru ma non sun postizzas
peri sor montes si sunu atopende!
Non bindat cosa chi non est andende
it'had a essere ín su duamizzas

Ma est felice in tantu girare
ada zente nova in motu affannosu
amat civiltade de su macchinare?

No,non est cuntenta e non hat riposu
ca de su soddu s'hat fattu un artare
e de currer su celeste gosu.

Sa Rinascita.

Istudios,disignos e pianos
tott'est aprontu,podencuminzare,
si sos ciaeris -e non sun romanos-.
lu vocon finalmente su dínare;

chi est nostru,ma est in cuddas manos
avosas solu anche lu pigare.
Sos Sardos , chi non sun sicilianos,
mai s'istraccan de cust'isettare.

Han'isettau sempere,pazientes,
non como han boche in su disisperu,
chen'isperanza non pius ardoro.

Hana su coro de su pedidore!
Mursuttan solu ca non b'est s'Imperu
e ca nor nana sos Sardos molentes.