OTTIERI
( Octo Heri )

Otto iddas fizis deris,
Ses, invece, una oe;
Baccas, belveghes e boes
Tenes; dinari in folzeris
Tancas, acculzu e attesu
Tottu cun rios in mesu .

Orto, pasturas famadas
Bantas, laore in su Campu,
Su casu tou a ispantu
Giughent, in ogni leada'
E buttiru ottieresu
Preferit finzas S'inglesu

Ses mama e grandes poetas
Avvocados e duttores
Né ti servint istruttores
Ca in dogn'arte ses perfetta
Destas puru meraviglia
Cando giogas a mariglia

Fentomada ses pro festas
Religiosas e profanas,
Né iscansas sas mattanas
Ca generosa ti prestas,
Né t'istraccant sos caminos
Pro pigare a "Capuzzinos .

Ue sa Virgine Santa
De su Remediu Segnora
Pregat su Fizu a d'ognora
Chi ti assistat tottacanta
E ti diat abbundanzia
De benes, d'ogni sustanzia.

Remundu Giagone
Bonorva 25 agosto 1956