OTIERI EI SA CAMPANA 'E NOSTRA SEGNORA 'E SU REMEDIU.

Aspra, irregulare est Otieri,
in ripidos palinzos piantada
e in d'un'addhe, posta totta in giru
a duas funtanas riccas e perennes.
Ripidas carreras.
Damos in altu che subra s'altare,
altas e imbellidas cun sutteas.
Grigias iscallnadas de granitu,
chi paren fattas pro andhare a chelu.
Montes tottu in giru che corona,
e in sas puntas, chejas a Maria.

Bianca,
in una punta, incoronada a plnos,
sa cheja Otieri ha' fraigadu
a Nostra 'e su Remediu Segnora.
Una caapana sola,
che anima innozente,
sonad'e prega' candho mori' die:

"Mama 'e su Remediu, Maria,
su male dae nois allontana;
sa gherra, pest'e famine allontana
e i su peccare, Virzine Maria.

Sas terras alimenta e dogni vena,
sos coros allímenta de amore;
sa Fide alimenta in su dolore,
o Tue chi de grazias ses piena.

Dannos Tue aa pagh' e su Segnore,
como e in s' ultima agonia,
Mama'e su Remediu, Maria,
Mama'e su Remediu, Maria.

Gigi Sotgia
Ozieri