Informazioni sull'opera
OTIERI
Beru Utieri has unu panorama
Pro sa caratteristica figura...
Cun terras bona pro s'agricoltura,
Pro'inzas e pro pasculu a dogn'ama
Ses de sa poesia vera Mama.
Che Fiza prediletta 'e sa natura;
ln tantes facultades e cultura...
Ti ses distinta cun onore e fama.
Friscas funtanas has,piattas bellas
Chejas antigas in romanu istile.
Has fabbricas'e salamu e mattonellas;
Seminariu,sede Vescovile.
Testru, Iscolas operas novellas
de su progressu morale e civile...
A Nostra Signora e' su Remediu
Sutta de tantos titulos, MARIA
Ses in tottu su mundu venerada....
Pro TE in Utieri est dedicada
Sa bella Cheja in sa periferia.
Ube cun missas e pregadoria
Solennemente ogn'unu'enis festada
VERGINE 'E SU REMEDIU BEADA
Pro los fagher de male e carestia
Ca non s'est mai inttesu unu mortale
Chi supplicadu a TIE happat invanu.„
In ora de bisonzu e de anelu...
Si ses Tue su misticu canale
Chi trasmittit a d'ogni cristianu
Sas grascias chicunzedin'in su CHELU.
BOCCHINU ANTONIU
Titolo | Otieri |
Sezione | |
Autore | Bocchinu Antonio |
Nome | 1956-118 |
Anno | 1956 |
Argomento | |
Descrizione | |
Lingua | |
Editore | Premio Ozieri |
Contributore | Tecnoservice s.r.l. |
Tipo | |
Formato | |
Fonte | Premio Ozieri |
Relazione | Concorso Premio Ozieri 1956 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |