Othieri.


Othieri funtana 'e poesia
mama diciosa de poetas mannos
ue Pirastru e Cubeddu chentannos
alcein a su palcu a prima ia.

Ogn'annu tue pones a cunfrontu
sos fizos chi ti aman de piusu
pedende a d'ognunu 'e dare contu
de su talentu iscrittu postu in usu

Ammentende Pirastru gherrieri
animosu poeta e de iscaglia
cantende in palcu daiat battaglia
dende onore e lustru a Othier.

E Cubeddu poeta aculturadu
manierosu cumpridu e gentile
amabile currettu e signorile
de manna inteligenzia illuminadu.

Moritu puru fit unu zigante
chi Othieri deit sos nadales
dignu de ammentare in sos annales
in chelos che poeta sonniante.

Sa poesia insoro improvisada
fit piena de sensu e de misura
de connoschenzia e de arte madura
e cun s'esperienzia affinada.

Hana cantadu versos de amore
de gioventude in festa e allegria
cantadu han puru males e dolores
de tanta zente ruta in tribulia.

Hana cantadu mare chelu e terra
iscenzia
natura
pedra e ferru
atunzu
istiu
beranu e jerru
s'amore
s'odiu
sa paghe
sa gherra.

Han cantadu giardinos e fiores
baddes
muntagnas
funtanas e rios
de poesia ispalghende utios
pro sanare in sardigria sos dolores.

Othieri nde sias sempre digna
de aer'tentu in sinu custos fizos
ammentalos comente raros lizos
mentovadosin totta sa Sardigna;


Matteo Spensetellu
via Gramsci
8
TEL. 079 767649.