Informazioni sull'opera

TESTO


OTHIERI E-I SA FESTA DE SU RIMEDIU

Othieri, galana ses reina
de su nobile e forte Logudoro;
e de tottu nde faghes unu coro
pro venerare sa Mama Divina.

Sa zente tua onesta bella e sana,
operosa e gentile e sempr'istada;
e nde ses cun rejone imbidiada
e meritas sos bantos chi ti dana.

Tue ses assentada a mesu die
in pettus d'unu monte,che fiore:
gasie riparada e cun amore
t'affaccias che bajana rie-rie.

Sa terra tua rendet a ispantu,
unu pro chentu cun sas grascias dada;
e tenes donzi tanca populada
de fiados chi giunghen tottu a bantu.

Paret de su Rimediu sa Santa,
sa ch'onoras in modu singulare,
chi hapat postu pro ti vigilare
sos tres montijos chi giughes accanta.

Sas díes da sa festa tue lassas
de sos tribaglios tottu sos ardores
e cun milli armonias e colores
laudende a Maria ecco t'ispassas.

De Grisoni in su cantaru diccíosu
ognunu appuntat, buffat, si rísterat:
cun cuss'umore paret ch'assaborat
su coro 'e Othieri generosu.

PERA SULIS
(Nuoro)
TONARA

SCHEDA DELL'OPERA
TitoloOthieri ei sa festa de su Rimediu
Sezione
AutoreSulis Pera
Nome1956-126
Anno1956 
Argomento 
Descrizione
Lingua 
EditorePremio Ozieri
ContributoreTecnoservice s.r.l.
Tipo 
Formato 
FontePremio Ozieri
RelazioneConcorso Premio Ozieri 1956 
CoperturaLogudoro, Sardegna Italia
DirittiComune Ozieri, Premio Ozieri
Analisi del Testo