Informazioni sull'opera

TESTO


Ossezia

Hant accabau de segai
hant fattu tottu a una tiràda

chen'e cantus ni arrisus
chen'e pasiu a s' umbra po murzai.

Segauhant
feri-feri
fittianus
me in sa bingia di Ossezia

binnenna foras'e spètzia
o gherra
sa chi scurriat me is
manus?

A tronis
grais
de lagrimas pipias
in pressi
si preniant a cuccuru
is cubidinas de s'odiu prus crudeli

mudau de giustizia.

E
buìdu abarrat e stragiau

su giardinu de nida pipiesa
de froris
ancora moddis

giai scarangiaus
notzentis e in bellesa.

No hant accuttu
su gosu e su discanzu
asutt'e sa figu
umbrosa i
apaxiadora

chi ddus aspettàda
a costau'e
cabitzali
anca is giualis inghitzant
che
vida.

Poita ...Deus
finzas Issu
est abarrau asegus

in cussora innoi fiat?
Hiat...forzis ghettau ogu
asub'e atrus arroris e stasiu de
prantu
si fiat calau in sonnu?

E nosus...indifferentis
a callu
fattu

nosus puru si seus distraius
parit chi si siaus abituaus
lassendi chi si prenessint is
cubìdinas

nosus... chi prangeus...
lagrimas trigadinas.


SCHEDA DELL'OPERA
TitoloOSSEZIA
Sezione
AutoreRosanna Podda
NomeB20040082
Anno2004 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2004 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo