Informazioni sull'opera

TESTO


OMINE
CHIE SESSE?


Chie ses? Dà u"enis? A u'andas?
Ornine
chi bendadu ses naschìdu
e chi a tortu su mundu cumandas.


A bider bene non ses resessìdu
chi usend'a su prossimu rispettu
ses pius rispettadu e bene 'idu.


Ti mustras reggiradu e inchietu

a sos similes tuos dend'isfadu

discordias ponzendin dogni tretu.

A posseder s'anzenu interessadu

e-i sas 'bonas regulas trascuras
chirchende pane chena sueradu.

Calunnias produis
imposturas

signale de iscarsu sentimentu
s' in caminos isconzos t'avventuras.

T'illudis de posseder su talentu
chi regaladu t'hat mama natura

ma l'isfruttas in modu violentu.

Non t'irgonzas de rapina nè fura
e sun fattos chi negare no podes:
s'ingannu
s'omizidiu
s'usura.

Pagu 'alet sa limba chi t'arrodes
si a sa sola ti cantas sos gosos...
Cand'in debadas sun bantos e lodes.

Si has sos mannos tuos bisonzosos
in domo tua mancunu nde cheres
ca sos bezzos ti paren isfadosos.

Che chi padronu de sa vida esseres

prima 'e nascher
ti 'occhis sos fizos
ca fatt'has legges cun viles poderes.

De braga ses pienu finz'a chizos

cumandas
cale supremu padronu

cun sas tuas maganzas e manizos


ma bastat unu lampu e unu tronu

eh' iscadenat sa passizzera nue

a ti tremer che canna a s'assuconu.

Est tot'ispiegadu chie ses tue

omine
tenedilu in su cherveddu
chi est dogni mortale a pesa-rue

che un'isprovvedìdu teracheddu.


Giovanni Sqgjgiu
Res. in Via G. Mazzini 141 - 07041 Alghero
Nato a Bonnanaro (SS) il 17/07/1934

SCHEDA DELL'OPERA
TitoloOMINE
Sezione
AutoreGiovanni Soggiu
NomeB20060069
Anno2006 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2006 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo