Informazioni sull'opera
... e su cantai m'é gosu!...
(Dialetto Cagliaritano)
o bellas manus ....
0 bellas manus, bellas manus santas
in su ritratt"e pòbara Mammai,
chi no mi cànsu mai de castiai
che is cosas prus ambìas, pèrdias e prantas!
Manus chi fuedd''e coru no mi cantas
tanti prezios"e "ndi pòrri' vantai
sa bona grazia in su cariziai
chi in tempus di oru ddis frorìar'in prantasi!
No, po cantu variai pòzza' sa sorti
tra is notas prusu stramas de s'accordu
chi accumpangia ' dugn'attu de sa vira
nostra, no, Mamma! In custa menti iscira
de Issas e de Tui no, s'arregordu
har'a durai costanti, e in vira e in morti!...
su pizzianti
Una prant''e pizzianti apillonara
de una fóss"e laràmini a s'ardori,
chesciàra s'è, una su Signori
di èssi' in su mund ' 'e is bius pagu apprezzara,
tanti chi, in su ddu nài, s'è bia dignara
de sa grazia divin'''e pónni in frori,
ma unu frori stupendu de colori
e finzas profumau che cosa rara!
Figurarì sa bória e s'arzìara
de tonu a' cùddu spómpi"e simpatia
a su cali de incantu è pózia giungi!
Eppuru no chi no ha lassau de pungi',
e, a dann''e sa bellesa conseguia,
una prant '' e pizziànti èst'aturara!
Pizziànti: ortica.
cudda Signora ....
Allòdda. A s'umbra. Sa facci bianca
asutt"e s'ala de su velu nieddu:
dd'hem ' a èssi ' preferia leali e franca,
issa assumàncus, che lam ''e gorteddu!
E invecis no, chi deretta e manca
cun s'arma vili de su signaleddu,
si in mei giài parti, scuncertara, manca'
de agiri a su cumand"e su xiorbeddu!
Duncas, a bella bellu, a parti a parti,
e no un onestu fracassai s'arrora
in su momentu asu ' 'e s'ascia struncaral
E passiènzia! 'Oli' nai chi dilicara
cònta' di èssi', cun mei, cudda Signora!
Artista. E, dùncas, cun cun arti!...
A pagu e in lusgi calendìndi sfattu,
senz' ' e ddu che candèl"e xera,
lassèndì in su camminu trattu trattu,
de mei, sfilàcciu lèbiu che de sera,
custu o cudd'àsiu a is dèntis de sa fera
de su tèmpus impostu che cuntrattu,
e andèndi, andèndi in sempri prus austera
malinconia, struncau ma no disfattu!
E candu t'har ' a parri' chi mi stracci'
s'urtima lèur"e s'anima ind'un'ora
estrema e orrenda po ti 'ndi donu,
ohi tanti a riscontrai m'har'a éssi ' bonu
in mei e tottu, orribili Signora,
sa forza e s'estru de ti in facci!!..
| Titolo | O bellas manus...- Su pizziànti- Cudda signora... |
| Sezione | |
| Autore | ... e su cantai m'é gosu!... PSEUD |
| Nome | 1960-54 |
| Anno | 1960 |
| Argomento | |
| Descrizione | |
| Lingua | |
| Editore | Premio Ozieri |
| Contributore | Tecnoservice s.r.l. |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1960 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |