NUES

Nues
canudas nues
ch'inghiriades
in s'ispentumad'aera
lizzeras

sinzande pressosas camineras:
ue sezzis bennidas
ue andades?

A bortas nieddas e minettosas

a bortas ruggias calandech' in mare
a bortas che albeghes lanosas

su sole solides campaniare.

E sighides a inghiriare peldularias

che frummigas chi prenan su peddalzu

pintande in su chelu frommas varias

trazzadas dae su entu biddialzu.

Finzas sa natura temperades
cando 'olades bassas e prenas

su gorgogliu 'e sas abbas mudades
de rios
trainos
funtanas e benas.

Sas feras in sa tana istana chiettas
cand' intenden chi sa nue est'airada

cun tronos minettosos e saettas
su pritzipiu de una mala temporada.

Colades
e sighides a colar'ancora

poninde fattu a cudd' eternu motu

sena tempus
sena die
sena ora

sen'aer mai lacanas connottu.