NOVAS AURORAS


A domo 'e un'amicu so andau
teniat unu frade e trint'annos
sos progettos in coro fini mannos
e imbeces li ana assassinau

imbrattadas de sambene omicida
e in cantas familias connotas
amores e affettos sun distruttos
e seminande lagrimas e luttos
manos nodosas non semper ignotas
dezidin pro sa morte o pro sa vida

non s'ischit de precare cale santu
pizinnas chi nd'an perdiu sos isposos
mamas chi prus non tenene sos fizos
piseddos chene babu a ogios lizos
l'an mortu sos affettos e sos gosos
prus lacrimas non tenen pro piantu

prus non ponzas sa vida a repentagliu
ca sambene giamat sambene de vena
o sardu pone fine a su rancore
pro sarvare sa vida e i s'onore
bisonzat de secare sa cadena
sa chi pagat s'irbagliu chin s'irbagliu

dandeli cara a sas cosas chi contana
sian custas peraulas intesas
pone mente e rifretti como adagiu
ca attu de onore e de coraggiu
est sue perdonare sas offesas
sos valores chi mai non tramontana

zessa s'intragna de sas tardas oras
prus vinditta non chirches sarda zente
ca de natura b'est sa leze iscritta
est su perdonu sa menzus vinditta
su perdonu chi faghet prus balente
franghet su coro a novas auroras


AUTORE: LORENZO BRANDINU - Nato a Orani (Nu) il 12/1/54
Residente in V.Vasari 3 20092 Cinisello B. (MI)
T.02/61290251