NOTTE

Notte
ses fiza amada de s'iscuru

naschida chene mama e pro cussu
ti ses posta in luttu.
In tempus de allegria
ti pones su manteddu

mancari a su solitu nieddu

ricamadu cun prendas diamantinas.
E das cuntentesa a zovanos
e zovànas chi a manu picada
mirant totu sa tua ermosura.
Cussa prenda de luna

in su mantu ischida

lis alligrat sa vida
ridende a cara tunda.
E sos chi sunt a runda
nant:"ite bella notte!"
pesandebi una boche de tenore.
Ma in tempus de tristura
ti che pesas sos bellos ornamentos.
Che Tzilioca si pesat s'iscraruja
e cun boche ispreosa
faghet ballare sa nue tempestosa
in su chelu nieddu che trumentu.
Tando sa cara isposa
est in sa tribulia e in su turmentu

isetande chi torret a domo
s'amore sou lughe de su coro.
E a sos pitzinnos chi sunt pianghende
a sa disisperada
faghet cara cara
cun manu treme treme
Cantu bos cherzo bene! Ogros de mama.
Istade como a sa muda
ca eo so sicura
chi babbu bostru est pro arribare,
Notte
cambias umore
dae momentu in momentu:
in antis isparghes incantu

apustis... solu turmentu.

Antonio Mariani
Nato a Orane il 12 701/42
Residente in Via De Gasperi N.3
08030 Orroli(NU)
Tel. 0782/847051