Informazioni sull'opera
TESTO
No est témpus de cantus
Novas tristas amargurant
su coru de is ominis.
Vengas
pampàdas
de fogu e bardanas
azzizzant fraìzzas
attentaus cruelis.
Esodus chene approdendiu
di ominis famigosus
no agatant prùs accùliu
in logu perùnu.
Matanzas de vidas
a ceddas
sene unu poìta
A millas is preguntas,
a zeru respostas.
Témpus de tiàulus bincidoris!
De liagas bedustas
chi si spilloncant a mudas
cun bruvùras e bombas
in làcanas de inferrus.
Tempus de cròbus
de attitidus
de muccadoris nieddus.
Dólu e no préxu
po 'nocentis chi attocchidant
a òrcus
soberanus de sa gherra
stiddius de umanidadi.
A sa cùa
orazionis mudas
de carris marrìas
de buccas siddadas
si pesant a su steddau
anninniendi bisus de speras
po unu cras benidéru
de paxi.
SCHEDA DELL'OPERA
| Titolo | NO EST TÉMPUS DE CANTUS |
| Sezione | |
| Autore | Giuseppe Cappai |
| Nome | B20040015 |
| Anno | 2004 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2004 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |