Informazioni sull'opera

TESTO


NINNIA

A ninnìa
dròmmi bedda criaddùra
Dròmmi
dròmmi agniréddu di lu zèru

dròmmi fiorì chi ti passa la tristhùra

t'aggiu in bràzzu e no' mi pari vèru.

Dròmmi che i lu nidu lu pizòni
Cuvacàddu sott'a l'ari di la màmma

a ninnìa
dròmmi e sònnia la passiòni
chi s'azzèndi in chissu còri
che la fiamma.

A ninnìa chi ti càntu dugna sèra

Sàrra l'occi e aschòltha chistha mirurìa
Che curòri di li fiòri i la pasthèra

Dròmmi còri chi ti fòzzu cumpagnìa.

A ninnìa
chi t'iscèddi cu' lu sòri
E lu cantu di li rundini burèndi

lu caminu ti si pienia di curòri
a ninnìa: no' ti vegghia mai pignèndi.

A ninnìa
chi ti ninnu lu lèttu
E pianu pianu ti carignu lu càbu

candu sarai mànnu no' mancàmmi di ripéttu
e calche vòltha ammèntadi di bàbbu.

SCHEDA DELL'OPERA
TitoloNINNIA
Sezione
AutoreLuigi Piras
NomeA20040012
Anno2004 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2004 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo