Nessi in Sognu


Cantos ammentos bellos
mi curren in sa mente
cando sa nostalgia
assalit su presente!

In tempus già passadu
mi fia cheffida ancora
cun sos chi no sun pius

sempre umpare a dogn'ora.

E ancora in gioventude

in su mezus beranu

cando sos dolos mannos
che fin meda lontanu.

Ancora mi fia cheffida
in domo 'e Paluvirde
ca tando su caminu
fit lebiu e tottu irde.

A s'umbra de sos mannos
deo m'intendia segura
comente intro su banzigu
s'intendet sa criadura.

Bidia tando sa vida
piena de ogni isperanzia

mi sorridiat amore

no connoschia dolore.

Ateru no aia nudda.

Meda 'e su ch'appo como
abberu dia donare
pro poder
nessi in sognu

a unu tempus torrare.