Informazioni sull'opera
Muttos
Una fotografia
happo istu in d'una losa
d'una femmina bella
una fotografia...
como reposas rosa
in pittu e carchi istella
e pares galu ia.
Curret su riu Istelotte
e donzi lavadora
lavat sos bruttos pannos
curret su riu Istelotte...*
truvande a sa mal'ora
sas penas sos affannos
furados a sa notte.
Su risinnolu cantat
in frores d'una mela
sa femmina andalusa
su risinnolu cantat...
iffundu 'e sa tettela
mi pares bene tusa
e su tempus ti antat
Chin curvas de amore
camminas 'a sa lestra
in mesu su camminu
chin curvas de amore...
cussu passu l'arresta
po t'ide su intinu
intas si soe Rettore.
Unu cadderi in gara
ti vardat in colada
sos pilos aneddados
unu cadderi in gara...
tott'in d'una mirada
t'hat presu e son ligados
su coro anima e cara.
In punta e monte santu
happo 'istu una reina
tott 'in colore 'e oro
in punta 'e monte santu...
cà tue ses ozastrina
donamilu su coro
chin basos unu mantu
Tonino Fancello
loc. Sos Tusorzos- Dorgali
| Titolo | MUTTOS |
| Sezione | |
| Autore | Tonino Fancello |
| Nome | A2005006 |
| Anno | 2005 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2005 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |