Informazioni sull'opera
Mutos fiores e amores
Sa famosa olchidea
es meda delicada
pianta de valore
sa famosa olchidea
bella che una fada
piena de amore
chi pares una Dea
1
unu lizzu biancu
appo in su vasetto
signale de puresa
unu lizzu biancu
sa mia cuntentesa
dae coro tisetto
a su meu fiancu
2
rosas de primavera
las bidimus tottue
in festas e in domos
rosas de primavera
finamentra ai como
non nda nadu che tue
asi bella e sinzera
3
bellu su tulipanu
cun su sou profumu
a note e a die
bellu su tulipanu
isetto dare a mie
s'amore e primu pumu
no istese allontanu
4
Oltesia gigante
de variu colore
daghi es fiorida
oltesia gigante
totaganta sa vida
ti do su meu amore
si mi amas costante
5
bella malgaretina
chi resta fiorita
batos meses a s'annu
bella malgaretina
ti amo senza ingannu
ogni die e sa chida
istella matutina
Sennori lì 08-04-2005
Antoni Secche
via Mascagni
22
07036 Sennori (SS)
| Titolo | MUTOS FIORES E AMORES |
| Sezione | |
| Autore | Antoni Secche |
| Nome | A20060012 |
| Anno | 2006 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2006 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |