Informazioni sull'opera

TESTO


MUTOS DE AMORE

Ite bellu cantare
chi faghen sos putzones
in sa campagn'amena


e deo a ti librare

custas bellas cantones
cant' a boghe serena.

Unu ratt' 'e amenta
derisero ap' 'oddidu
in s'ortu 'e Lughia.

Si tue ses contenta
mi leas a maridu

istim'a tie ebbia.

In dom' 'e su duttore
bidu ap'una rosa
intr' unu vas' 'e oro.

Si mi giambas s'amore
sienda mi'amorosa
deo t'intrego su coro.

In s'alvur' 'e sa pruna
si b'at fattu su nidu
sa bell'iscrianissa.

Deris a lugh'e luna
in su sonn'apo 'idu
abbratzendem'a issa.

SCHEDA DELL'OPERA
TitoloMUTOS DE AMORE
Sezione
AutoreGigi Sancis
NomeA20040016
Anno2004 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2004 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo