MORTE DE ZUSEPPE RAGA IN RAGA

Veladu a luttu e su mont'Elicona
Cun tottu su arnosu unitanente
Poeta Sardu acudi riverente
A tessere a zuseppe una corona

No cun fiorésfriscos de zona
Ma versos pro durare eternamente
Campana tue cun sonu dolente
Notas de anguatia forte intona

De cussa luttuoaa e fritta Bara
Sos cungiuntos nde formana un altare
Pustis de sa ferale dispedida

Sa lughe viver chi emana cusa'Ara
Nos tede in savvenire illuminare
Sa diffizile via de sa vida


Riposa in paghe santa anima eleta
Già chi su criadore ti ha giarada
A sa gloria sua pius perfetta
patria pio sos giustoso preparada

A sos Chi fattu an sa vida ereta
Dae oporas bonas coronada
in sa celestiale ultima meta
Fetana festa a sa tua arrivada

Pare chi siemus tottu idende
In logu santu de paghe e armonia
Celestiales vorsos cumponzende

A Deus a Zuseppe e a Maria
Sias pro nois grassia preghende
a nos assistere in sa giusta via

ARANESU


Tempus de paghe
UNU FATTU SUZZESSU

1)
Compare Bastianu
Da tempus fidanzadu
E prestu si deviada isposare
Emigrada a Milanu
Ca fi bene pagadu
In postu bonu de pode balanzare
Ma sende trabagliende
Unu vagabundende
Sa cianghetta l'ha cherfidu furare
In ue fini tentos
Carta de identidade e documentos

2)
Tempus meda a passadu
Senz'ischire niente
De su ladru nemm'ancu su colore
Ma poi es capitadu
Chi un'omine pezzente
L'agatesi mortu de malore
Unicu Documentu
A dossu in su momentu
Fi solu de su "furadu" possessor
e E pro mortu leadu
Bistesi sende in s'irrobadu

3)
A su ferale avvisu
Cala s'iscuru mantu
In sa vida de gioia sognada
Tottu de improvvisu
Irrumpone in piantu
Mama cun frade e sorre e fidanzada
Si ponen tutto in luttu
Pianghende a succuttu
Faghen tottu a Milanu sa tucada
Ue de tutto ignaru
Vivente e sanu fi s'issoro caru

ARANESU


UNU FATTU DE GHERRA

1)
Sende richiamadu
E fia rientrende
Dae permissu a su distaccamentu
Sall'armi fi sonadu
E fini bumbardende
In duna idda già totta in fermentu
A s'iscuru passende
Intendo pianghende
Unu pizzinnu cun forte ispaventu
Forsi de sette o ott'annos
Pienu de sambene in faccia e in pannoso

2)
Aue sese andende
senza peruna ghia
Li nesi e chie tada isempiadu ?
Risponde so fuende
Dae su loghiJ chi fia
Ca una bomba sa domo nda bettada
Fia essende in sa porta
Cun mamma e ruta a morta
E babbu ches restadu carrarzadu
E tando so fuidu
Ca una cosa a conca mi ha colpidu

3)
Senza li faghe male
mi lu garrigo a pala
e curro in mesu a sa cunfusione
lu giuto a s'ispidale
E bintrende in sa sala
m'ido giamare da una persona
In barella e ferida
Bilaian battida
E fidi in attesa de meigazione
Grida grascias a Dei
"Battimilu cussu es fizzu meu"

ARANESU