MESSAIOS

SoS messaios in Sardigna an tentu
sos meritos piUs mannos e onore

ca con tantas fadigas e suore

con umiliatzione e fieresa

semper an procoradu pro sa mesa
su pane
chi est sa prim'alimentu.


Est un amiru cun cale rispettu
su semen'in sa terra contivizat

cun sas aìnas sos astros manizat

de sa luna est devotu confidente

ma a bortas su tempus inclemente

de resa non li dat mancu su etu.

Ma non lu timet su tempus contrariu
ca pienu de ispera l'at su coro

cando ispraghet sos ranos de oro
cun sa gallosa e cumpetente manui

paret cunfidende in donzi ranu
che in sas perlas de unu rosariu.

Similes sun sos mastros de cultura
chi sa sementza de sa sardidade
sun semenende cun dificultade
in fertiles campos produtivos

ma in cust'era pagu ricetivos
chi non prumitin incunza sigura.

Sa zoventude non cheret intender
s'armonia de su faeddu sardu

però su nde tratare in riguardu

aproven o rinneghen
nde cumentan
sa raighin' 'e s'ispera alimentan
fin'a cando resessin a cumprender.


Semenade messaios
semenade
ca non sezis fugliandeche su semene
e ne etandechel'in d'unu tremene
e ne dandel'in past'a sas frumigas

ma azis a bier prosperas ispigas
in s'arzol' 'e sa nostra identidade.