Informazioni sull'opera
MENTE E CORO
Pensos e averiguados sentidos
in su pasu 'e su sero mi che fuene
in illacanados logos d'inventu lieros
che isteddos in chirca 'e cabu e fine.
Acunortu e profetu ispero dae s'indagu
ma sos ingorrupados bucos nieddos
mi narana de nudda e de misterios.
Sa lieridade est sorre 'e s'irrispetu
gai Deus mannu non nos dad'auditziu
E responsu chirco in sas raighinas
in su identitariu tratamentu
cun s'obrigu 'e dare e de retzire
no isciau
ma zuighe 'e su enturu.
Mi!
che bena ch'intrad'a mare all'addulchire
mi nd'enit su jannile 'e sos bisos suos
su promiter sou chena faeddare
sas dudas chi mi jitein'a non jumpare.
Resorza imberta est s'impìtu 'e sa mente
a ammudare sa 'oghe 'e su coro
e lassei
lassei
poberu iscussentìdu.
Como
mi b'istento cun su lassadu
frango s'umbra 'e su logicu pensare
e allentu mi tempero cun su caente
de s'ojada sua dechida e lughente
de su narrere sou comente carignu
ma est turmentu s'alenu 'e tando
s'afficu umanu e vidale
su jogu disizadu e bisadu
chi dae temporios jamamus amare.
Enzo Giordano
n. Ozieri il 04.08.26
Via Giov. XXIII
6
079 787393
Titolo | MENTE E CORO |
Sezione | |
Autore | Enzo Giordano |
Nome | B20060028 |
Anno | 2006 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2006 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |