Informazioni sull'opera
Mariedda
Ita bella cosa sa fest'e' Sant'Arega
Ci sunti bancaréllas de nuxi e de nuxedda
Turrònis e mustazzòlus de Nuòru e de Aristanis
Strexu e marigheddas di Assemini e Barbasàlis
Porceddus arrustìus i anguidda schidonàda
Sa lissa in sa cardiga e s'angiòni in sa panàda
E bangus apparicciàus de dogna cosa bella
In dd'una bancarélla hapu comparàu sa candéla
e nci dd'heus portàda a crésia aund'e' sa Santa
e in sa prazza manna t'hapu portàu a ballai
E balla balla balla e balla Mariedda
Liggéra coment'è una maripòsa
Esti Schissiàda coment'e' una pipia
A totus fai su risu prexàda Mariedda
Po esternai a totu sa cumpangìa
Sa grandu passiòni ca téniri po sa vida
Totus midda castiànta ballendi a Mariedda
S'ingìriada coment'è una bardùfuledda
E fùrria fùrria si arziàt sa vardetta
I ammostràt is carabas bellas che una dea
Su ballu es po issa una grandu cuntentèsa
Ballendi si scarésciri de dogna tribulìa
E balla balla balla e balla Mariedda
Di lùxinti is ogus prus bellus de una stella
E bella e bona es coment'è una pipia
Labai ca Mariedda immòi e cosa mia
E balla balla balla e balla Mariedda
no ti pongàs in conca de ti fait invitai a ballài
deu gi seu cuntentu de ti fait spassiài
Ma tui Mariedda
balli solo con me.
| Titolo | MARIEDDA |
| Sezione | |
| Autore | Bruna Milia |
| Nome | B20040058 |
| Anno | 2004 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2004 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |