Informazioni sull'opera
MAMA SARDIGNA (Nuoresa)
(Pro s'ultimu sardu mortu in Iraq)
Pianghes cun dolore
suspirende a succuttu
e cun rejone das "boghe a S'attitu;
ca un'ateru fiore
innozzente nd'hat ruttu
dae sa pastera ch'haiat s'abitu
inue est fiorida
cUssa rosa dechida
chi t'hat suttu su sinu beneitu
e l'has bestidu pannos
de dulche ispera e de sonnios mannos.
De lùghidas chimeras
e innidos disizos
tèessidu haias diligos dissignos;
bisend'in sas anderas
de sa vida: lampizos
de prommissas d'amore e de carignos..
Ma che dogni puzone
dagh''enit s'istajone
bolat chirchende padentes benignos
prò frimmare su 'olu
in ratos fioridos de cossolu.
MaMa 'e nobile coro
cantos fizos has bidu
lassende 'e suer s'antigu tenaghe
e dogn'isettu insoro
chi lis est aurtidu
fora 'e s'isul'amena 'e su nuraghe
dagh'han boladu a terras
de odios e gherras
a ispargher semen de amor'e paghe.
Ma istudende fogos:
de samben sardu infustu han cussos logos.
Pianghe Sardigna mia
prO s'ultima fiama
Ch'a terra istranza dadu hat su lugòre
chen'haer sa biadìa
de torrAre a sa mama
sa vida chi l'hat dadu cun amore.
Nd'est balfida sa pena
pro una terr'anzena
dare sa vida in su mezus fiore?
Cun dolore pianghes...
c'atera rughe a sa lapide annanghes!
Angelo Porcheddu
nato a Banari il 1° /09/ 1937.
Res. via V. Em.
19
Tel.079 826170
Titolo | MAMA SARDIGNA |
Sezione | |
Autore | Angelo Porcheddu |
Nome | B20060059 |
Anno | 2006 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2006 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |