Informazioni sull'opera

TESTO


LU ME' MUTTÌU

Si temp'à di passà a vidé luci
d'un buggju chi no ha fini illu mundu
ca' sarà mai lu pesu e ca' la gruci
chi demu suppultà falendi a fundu?
Ca' sarà mai la pena e ca'lu presgiu
chi mali 'eni chici a danni contu
pa' li finti fatti o pa' l'offesi
l'orgogliu calcicatu o pa' l'affrontu?

E s'emu di turrà a chissu ch'era
chiddu distinu amaru d'esse fJumu
comu po' esse caru più a gjugnunu

in chista tana locu di 'jaccéra

lu tempu di la ghèrra e di l'accamu
pittostu che la paci illa carrera
o chiddu nuscu dulci a primma sera
di ciminei incesi e di brasgeri?

Pussibbili chi l'animu mantenghia
lu sintimentu suai e dilicatu
in un'agnata chjusu
prisgiuneri
come d'aellu presu e miss'a un latu?

E lu mucchittu debbili di fiama
chi di lu lentu sighi gjugna danza
no sarà mai pal noi chi fossi brama
ignò illu fossu l'ultima spiranza?
Chissa chi l'omu in cori 'esti a muta
e chi la cara pinta cu unu risu
chi a li sintiti dona la saluta
e a l'occhj faci idé lu paradisu?

Si tempu à di passà a vidè luci
a lu me' briu decu dà curaggju
lu chi da l'umbri l'animu riluci
e chi ci faci sempri di carraggju.
Si tempu a di passà a lu traggjettu
voddu di paci fa lu me' muttìu
primma chi fàlia innita ill'apprettu
la piena rigurosa di lu riu.

SCHEDA DELL'OPERA
TitoloLU ME' MUTTÌU
Sezione
AutoreGianfranco Garrucciu
NomeB20040041
Anno2004 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2004 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo