Informazioni sull'opera
TESTO
LAMA ISTRIZILE DE LUGHE
Ses torra
lama istrizile de lughe
incue
a manu nida
issinzadora
de travigos galanos
e metzanos.
Bestigas ligias
si che sun truvende
sas nues iscantiàdas
in beranu.
Arzola netta
in cudd'iscampiu arcanu
s'accerat
cun minetta già sestada.
Ted'esser custa
s'ora mia prommissa
inue cantone noa
ap'ammuttare.
A costazu
de su caminu meu
b'est inserradu
mudu
pali 'ettadu
s'ozastru cun raighinas
appedradas:
ispiju chen'amparu
chi m'iscortat
e ammentat
triminzònes fìtianos.
E tue
lama istrizile de lughe
porris istizas de alenu nou
a poetare
cun laras guvaldas.
MARIA SALE
Via Brigata Sassari sn
Chiaramonti
Tel 079 569403-3400763562
SCHEDA DELL'OPERA
| Titolo | LAMA ISTRIZILE DE LUGHE |
| Sezione | |
| Autore | Maria Sale |
| Nome | B20060064 |
| Anno | 2006 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2006 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |