Informazioni sull'opera
LA zELPA
Mi 'eni'a menti un contu di fuchili
ch'aja 'ntesu cand'era minori.
Si dicìa d'un celtu ziu Bassili
cussì era 'nnummatu lu pastori
ch'era dottu d'andà isgasgjumoni
a ghjrà pa' li camp'a primaera
cand'una mani
isciuta da un macchioni
silli para una zelpa bandulera.
L'omu s'assuccunesi e lu fusili
prues'a garrigà pa' ammazzalla
ma subbitu lu poaru rittili
faiddhesi
prichendi di no' falla
chiss'azzioni di malvaggitai.
Li disi: palchì voi ammazzammi
bon passona?
Ca' so' tutti l'accusi chi mi fai
pal cundannamm'a molti beddh'e bona?
Ghjà è veru ch'appalteng'a la razza
chi traisi la mamma di cainu.
Ancor'eu caminu cu'la mazza
comu fac'a l'anticu malandrinu
la da tandu di tempu n'è passatu.
la spirienzia m'ha datu l'agghjutu
e pal chistu muttiu agghju pinsatu
ch'è meddhu fa' lu ghjocu di lu mutu.
a voi
però
chi mi 'uleti molta
vi decu di' chi seti fendi sbagliu.
Da chi lu me' distin'ha presu 'olta
focciu be' si faeddhu e no mi cagliu.
La mala 'ntinzioni ch'et'autu
è a casgjoni ch'eti sminticatu
cantu 'ali pal voi lu nostr'agghjutu
si feti contu chi v'aemu salvatu
d'haè più danni in vigna e in laori
dendi la caccia a cedd'e a razzacci.
Ci deti 'ulè be' pa' lu faori
ibnvecci di pinsà a ammazzacci.
chist'è lu contu di ziu Bassili
chi si turrs'a coddu lu fusili.
| Titolo | LA ZELPA |
| Sezione | |
| Autore | Giovanni Maria Filigheddu |
| Nome | B20030026a |
| Anno | 2003 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2003 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |