Informazioni sull'opera

TESTO


Un amicoo mi ha scritto, dicendomi che la povertà e una croce tanto pesante che solo
un matto, o un gigante possono trasportarla, e cioè, il matto perchè non comprende, il
gigante per la sua forza, gli risposi con questi versi,


amigu s'iscrittu tou hapo rezidu
e l'hapo esaminadu atentamente,
bat calchi paragone cumpetente
chi ti meritas lodes hapo idu,
ma zertos paragones totalmente
a parrer meu amigu has faddidu,
non ti naro cun custu, chi mi creo
superiore ca potto iabagliar'eo.

a parrer meu pa ret sias tue
chi ti ses isbagiadu nende gai,
su maccu senza chi'scat a inue
giughet sa rughe e no sistracat mai,
e si sa rughe pesrat assai
e lu faghet andare,rue rue
no sarrabiat, no frastimat, no est istraccu
mottivu,no sabizzat ca est maccu..

a segundu su pagu ider meu
paret custa sa tua teoria,
ma si sa rughe la destinat Deu
no est su maccu a la giugher ebia,
ca b'hat sabios puru in cumpagnia
destinados a giugher rughe a reu,
b'hat zertos chi felices los creimos
e cun sa rughe insoro l ' os bidimos.

a sas bortas inue no creimos
trasportana sa rughe pius pesante,
b'hat zente in'altu gradu e bene istante
chi cun sa rughe insoro los bidimos,
e si sas rughes a pesu ponimos
forsis'insoro est de pesu bundante,
e puru la trasportana rassegnados
riccos signores e altolocados..

si ti tocat sa rughe a trasportare
rughe lezzera siat o pesante,
est innutile a fagher s'arrogante
amigu ca non ti podes rifiutare,
sias zigante,o no sias zigante
ue non podes,podes reposare,
e respirare podes un'iscutta
però sa rughe susu e tue sutta..

SASSARI/1/9/1958.

L'OSSERVATORE..

SCHEDA DELL'OPERA
TitoloLa povertà
Sezione
AutoreL'osservatore PSEUD
Nome1958-06
Anno1958 
Argomento 
Descrizione
Lingua 
EditorePremio Ozieri
ContributoreTecnoservice s.r.l.
Tipo 
Formato 
FontePremio Ozieri
RelazioneConcorso Premio Ozieri 1958 
CoperturaLogudoro, Sardegna Italia
DirittiComune Ozieri, Premio Ozieri
Analisi del Testo