Informazioni sull'opera

TESTO


La campaneddha

No è più dizzisu a disora arrià!

«Chi nisciunu scupigghjia!».
- E tu spigni chissu mucchittu!
«L'ha infusu l'ea

chi be' faci
a li steddhi:
ammanna innuna la so' pianticeddha...
«Cussi de' fa l'omu di casa!.

Arreca illa bussa lu tantu po' iscrì?

«No n'ha bisognu lu pinu meu

chi ha imparatu
la divisioni d'un solu pani.
Illa multiplicazioni
a lu doppiu è carenti.
Puru ill'addizioni
a l'assommu è ischessu.
Inveci è bastanti illa suttrazioni
di lu chi no felma chena rimissioni».

E pa' dipignì, li culori vill'ha?

«Dui solamente lu grigiu e lu nieddhu.
Oh
cun chissi è un pultentu
palchì unde iddhu l'alcubaleni
no so' impultanti».

L'ora c'è passendi. Più chizzu la mani!

«Ma no lu sciutu l'agnulu meu
si sonniu pa' iddhu un celi affattenti.
E no agghju tempu pa no aè
chissu chi alumancu
lu sonniu mi deè!».

Lestru, cumpriti: lu meddhu è paldutu!

«Voddhu sapè und'iddhu è pusatu

siddh'è in locu di prifirenzia

pa' esse datu a la me' menti
da lu biccu di li cantunati».
- Di mamma soia
no ti battì.
Imbara a candu ti figghjularani
cu la brioscia
chissi chi l'hani!
«Chi nisciunu lu furia da li me' 'eni!
Fossi arà
lu me' oru

lu mundu chi miresciarà
a un nou tinnì di campana».


SCHEDA DELL'OPERA
TitoloLA CAMPANEDDHA
Sezione
AutoreMaria Marcella Murru
NomeB20030059
Anno2003 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2003 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo