Informazioni sull'opera
TESTO
L'atugnu inde noi.
Tébiu è 'nde noi l'atugnu
da l'aggrumàddi nui
da li pàmpini rui.
Lu suipirósu atugnu
tigni a marincunia
lu chi crédi alligna.
Acchì da noi l'atugnu
ha di l'isthrani appènti:
ripiglia vaghi ammènti
fèndiddi rividi
framménti d'althri dì;
tu ti priguntarai
si l'ai vividdi mai.
Li vivi po'assè a séra
-èra di primabéra-
vaghèndi cu'li rundini
in tramònti di ramini
e ti punì a pignì
chèna sabé parchì.
Era lu vagu sintòri
chi finiddi sarìani li curori
di li nosthri fòri;
abà
i'lu nosthru atugnu
ombri e ciaròri
c'aisettani la nèvi
ipaglini i' la mènti
a tinti levi
lu tempu di l'ammenti.
SCHEDA DELL'OPERA
| Titolo | L'ATUGNU INDE NOI. |
| Sezione | |
| Autore | Ignazio Sanna |
| Nome | B20040090 |
| Anno | 2004 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2004 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |