Informazioni sull'opera
TESTO
Isula
Armuttos in fióre
e pedras arressas
in sa tratta 'e su tempus
istorias pèrdidas
in sa memoria
chi su 'entu maletrattat
ei su mare
carignat e abbratzat.
Terra de isténiu
e de infadu
impudu e arrennegu
de isperas ispérdidas
in sas intragnas de mortos a balla
signu
bàntzigu
sognu
de rancore e amistade.
Isula
de sole e de sale
arrida
desolidade...
Inoghe
no isco 'istare
ma infora
ebbia morrer nde poto.
SCHEDA DELL'OPERA
| Titolo | ISULA |
| Sezione | |
| Autore | Antoneddu Bazzu |
| Nome | B2004005 |
| Anno | 2004 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2004 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |