ISETTENDE ANDERA NOALE (MODA)

Isterrida
In sa notte 'e su tempus
sa probàina

de sa nadia in sa Sardigna nostra

si perdet
c'ando isterridu hat raìga.

E sighende in sos seculos s'andàina

cun fieresa hat suttu sa colostra
de custa isula nobile e aprìga.

Inie ondrada
s'antigòria istiga
de fizos mannos
restat in s'Istoria

ca in s'eterna lapide 'e sos annos
lfhan cun su samben de coro imiprentada

Inie
s'antigòria istiga ondrada
de fizos mannos
restat in s'Istoria

inie
s'ondrada istiga antigòria
restat in s'istoria f§ fizoa mannos
ca in s'eterna lapide 'e sos annos
l'han imprentada cun samben de coro

pro amore 'e sa cara terra insoro
chi l'han difesa da ogn'invasore

sa cara terra insoro pro amore
chi da ogn'invasore l'han difesa
ca 'estida de innida bellesa
fit pro anzenos riccattu licchittu.

1° FIORE
M'a boltas in su' chelu biaittu
bi passan nues murinas isoltas
ch'in cor'e in terra de tristesa lassan

che pannu 'e luttos
umbros'unu velu.
M'a boltas in su biaittu chelu
bi passan nues murinas isoltas

ma in su biaittu chelu a boltas
murinas nues isoltas bi passan
ch'in cor'e in terra de tristesa lassan
unu velu umbrOSU che pannu 'e luttos

che cando babbos nostros sunu...ruttos
cun dignidade in sos chertos de tando

ruttos che babbos nostros sunu cando
in sos chertos de tando in dignidade
e'azzesu han sa fache 'e s'entidade
in sa faddija 'e su sardu riscattu.

Isterrida
In sa notte 'e su tempus
sa probàina
......................................
ca 'estida de innida bellesa
fit pro anzenos licchittu riccattu.

2° FIORE
Deris
calcunu a fura s'est attattu
de-i cussos mezzanos bardaneris...
Oe
bambos isterzeris nostranos

sa "giae" a sos de fora dende sunu.
Attattu a fura deris
s'est calcunu
de-i cussos mezzanos bardaneris...
Attattu a fura s'est calcunu deris

de-i cussos bardaneris mezzanos.
Oe
bambos isterzeris nostranos

sa "giae" dende sun a sos de fora

pro ch'intren cando cheren a dognora
che ch'issos solu padronos esseren^
e intren a dognora carido cheren
che ch'esseren issos solu padronos
a gosare 'e sa natura sos donos
ch'hat "custa terra 'e sonnios amenos"

Isterrida
In sa notte 'e su tempus
sa probàina
.....................................
ca 'estida de innida bellesa
fit riccattu licchittu pro anzenos.

3° FIORE
Sardigna cara: chentales serenos
prommissu haian s'avrèschida giara.
e-i s'aera
'e neula ispanèschida

fit trapuntada de lughes noales.
Sardigna cara: serenos chentales
prommissu haian s'avrèsehida giara

chentales serenos
Sardigna cara
haian prommissu giara s'avrèschida

e-i s'aera
'e neula ispanèschida

fit trapuntada de noales lughes

chi como
pius in fronte non giughes
ca b'hat atera nue in s'orizonte

como pius non la giughes in fronte
ca b'hat in s'orizonte atera nue
chi minettat s'andare a pesa-rue
de s'entidade nostra torra in duda.

Ma non piangas mama! e a sa muda
sighi a tesser sas tramas de s'ispera
in su telarzu lughidu 'e s'aera
ordidu 'e sole
de mare e d'ammiru

inue ancora cun sardu respiru
zertos fizos t'iscaldin su costazu
ponzende isticcos d'antigu limbazu
in frua noa
o truncos mesu siccos;
ponzende
de limbazu antigu
isticcos

in truncos mesu siccos o noa frua



pro ch'alta
sa 'ogh'e s'anima tua
bolet chena puntellos ne trobea
de 'oghe istranza
ma senega e rea
bentulet in su mundu sa bandela.
Sardigna non piangasi ma sa tela
anzena chi ti sun tessende: isfaghe!
Isculta sas boghes de su nuraghe
ch'ammonestana mudas ma...profundas;
su murrunzu 'e su mare in sas ispundas
chi pasidu
che corona ti chinghet

ma cando iradu sas undas ispinghet...
Chissà s'est briga! O est lamentu tando?
Ch'ispinghet undas airada cando

chissà tando s'est briga! O est lamentu?
Sa muida iscultadi 'e su 'entu:
it'est nerzende daghi passat fùrrida...
E ite narat finida sa cùrrida
cando si mudat in diliga frina
e carignat sa rosa e-i s'ispina
chi tue amada terra
in sinu giughes.
Ma non piangas
si pesosas rughes
de furisteras umbras ti 'ettan frittu;
ne si calchi "fizastru" t'hat traittu
ciocchende brama istoiga e mezzana.

Ma gai est totta! custa vida umana
chi curret cun su tempus fuidittu

trobojada de lughe e umbra arcana
ch'a ispannare semus in s'appittu
bisende un'andera soliana
sutta su chelu nostru biaittu!

Angelo Porcheddu nato a Banari il 1/09/1937
RESIDENTE in via Vitt. Eman. N° 19
TEL. 079 826170