IS LAGRIMAS DE CUADDURU

A nai sa beridadi mi plaxit torrai pipiedda cun su pensamentu e
mancai su
tempus siat bolau
cuss'arregordu bellu no mi podit scarèsciri.
Fiat unu cuaddeddu de color'e castangia
cun su murru biancu ma de vera
razza sarda.
Ddu sciemu chi su sagrifiziu
po dd'ottenniri
fiat stetiu mannu ... in
cambiu si femus privaus de unu muntoni de lori e de meda francus e

comenti fessit in custu momentu
deu
chi dd'arribamu a mesu càmba
ddu
biemu mannu mannu
tantu chi po su presciu
pariat chi su coru mi 'ndi
bessessit de is petturras.
Candu jaju dd'hiat portau in sa stadda
hiat nau chi fiat unu mascu masedu
e meda faineri e hiat cumenzau a ddu strigiulai pensendi a su nomini de
ddi donai.
Mischineddu
a nai sa beridadi
issu giai traballadat e fiat meda forti
ma
perou
candu dd'arziadat su macchiori poita fiat barrosu e malaviziàu

inzandus ddu dèpemus tollerai.
Candu s'arrosciat
no castiadat traballu; tott'ind'nu boliat pappai e
s'arrimada comenti unu molenti...is s'apreziu e is defettus si ddus
connoscemus tottus e po cussu jaju dd'hiat postu s'allumingiu de
cuadduru
.
Is piccioccheddus chi biviant accant'e domu nostra ddu zerrianta
cuadduru bucca 'e latti - cuadduru bucca 'e latti
a mei mi faiat feli
ma
sciemu puru chi ddu faianta po mi fai su crepa-crepa e jaju mi naradat de
ddus lassai a sbentulai po su motivu chi fiant imbidiosus.
Tenemu ott'annus e in domu ci fiat un'atropelliu mannu: mamai fiat
preparendi is durcis poita deu e fradi miu depemus arricciri sa prima
comunioni; sa domu fiat allichidia comenti fessit Pasca Manna.
Sa bistimentedda de frari miu dd'hiant appiccada in s'armadiu
ma su
bistiri miu
cosiu de zia mia chi fiat maista 'e pannu
fattu de pizzu e
taffettànu
cun su velu
fiat tottu biancu chi sa nì
e beni scampaniau in su
scannyu de s'aposentu 'e prandi.
E... sa notti babbu m'hiat nau :
-Crasi andaus a Casteddu a comperai
is buttineddus biancus in su mellus
negoziu
ses prexada?

Tanta fiat sa cuntentesa chi mi pariat de bolai comenti unu cruculeu
i a
pustis
sa cosa prus bella fiat s'andada a carrettoni cun cuadduru chi
stimamu comenti fessit unu cristianu.
Fiat chizzi mannu candu babbu dd'hiat postu is finimentus po dd'attaccai a
su carru
aundi mamai dd'hiat cuncordau duus cuscinus: unu po mi sèzziri
e s'ateru po sa schina.
Candu hiant accabau de approntai tottu
m'hiant avvertiu chi fiat lompiu su
momentu de andai e
mancai fessit mesu indromiscada
hemu bistu sceti
scuriu puita no fiat ancòra obbresciu.
Mi seu sezzia propriu in mesu a su carrettoni e mi pariat de essiri sa Reina
de Savoia in carrozza
tantu mi paremu importanti.
Quando cuadduru si firmadat
no fiat po malesa e nimancu po stanchesa

ma poita s'infrascadat a su fragu de s'erba frisca.
Inzandus babbu zaccadat su fuettu in aria e
issu
a cussu cumandu

sighiadat su camminu prus biazzu.
Est succediu propriu cussa dì... unu coloru dd'esti passau innantis... mai
dd'essit bistu!
Cuadduru ha cumenzau a cùrriri in sa calada comenti chi milli canis
famius ddu fessint sighendi.
Hapu pigau un'azzappulada a terra... e
m' arregordu chi arziamu
lebialebia

in d'un'arruga longa aundi una luxi manna e mai bista mi preniat
s'animu de serenidadi e de paxi.
Intendemu sa boxi de babbu disisperau chi mi zerriadat
ma deu non
bolemu lassai cussa luxi.
Intantu chi andamu in cussa luxi maravigliosa
un'angiulu asulu e biancu
m'hat pigau sa manu e m'hat nau: -
No est ancòra lompia s'ora tua
cuadduru est prangendi po su mali
chi t'hat fattu e t'est'abettendi poita bolit intendi su cantidu tuu
su
cantidu de una pipia chi depidit arriccili sa prima comunioni.
Candu seu torrada a sa luxi de su soli
babbu miu mi teniat beni strinta a su
cotu
hapu obertu is ogus i hapu bistu is lagrimas de cuadduru chi ddi
lompiant finzas a is murrus biancus; s'est'accostau
m'hat castiau
i hat
fattu arziai in celu s'annìrghidu prus bellu...