INVOCAZIONE.A.NOSTRA SIGNORA DE SU RIMEDIU

Santissima Maria,solu a tie
tristu et isconsoladu mi presento:
sos males deu so cronicos lamento
chi dai ora suffrint che a mie,
ch'invanu isperant d ai die in die
de tenner calchi pagu de mezoru.
su non aer sullevu est un accoru:
suffrire troppu, supportare et mudu
est cumpromittere pius su saludu
ch'est fina'a bi pensare pena dura;
s'ischire chi non b'hat nisciuna cura
faghet piangher su coro in su sinu.
Su viver goi, suffrende continu,
est aggravare pius s'agonia.
Ma cando mai,Virgine Maria,
tue, chi has suprema podestade,
non ti moves a solu et piedade
d e chie est supportende penas graes?
Tue, chi pensas finas pro sas aes,
cando mai pro nois non bi pensas?
et' sos males cun premura sensas
chi turmentant sos esseres mortales,
faghe chi non esistant pius males
pro sos miseros esseres umanos
et cunserva in su mundu tottu sanos
senza odios, d issidios nè rancores;
calma penas, affannos et dolores,
tribulias, tragedias et turmentos;
da gustos, allegrias et cuntentos,
tempos felices, bundantes annadas,
et cunzedi sas grazias domandadas
d'animas'afliggiosas et penosas;
cuntenta a totu e in totu sas cosas
cantos'esseres ha supra sa terra,
salvalos da' disagios,peste et gher a
et' sa paghe propaga in to
Mama Santa, pro ,tottu prega tue
in sas difficultades da su mediu,
Gloriosa Reina e' su Rimediu.

AGOSTINO PIRASTRU