Insaras est Sardigna

Candu su mangianu in s'airi
chi brillat de luxis che cinciddas de fogu

e t'intendis tot'ind'unu a su logu
cun su cantu armoniosu 'e sa natura

prenu de paxi cun s'animu chi gosat
lieru bolat e cun issu si sposat

insaras est Sardigna!

Candu su 'entu tirendi a stresura
de monti
canali e pranu
ti portat
su fragu 'e sa scraria e de s'armidda

de perdas chi profumant de antigus
arregordus de bidda
de bisus e disigius
chi hanti fattu niu in sa menti tua

e torrant no chi siant' avveraus

insaras est Sardigna!

Candu sonus de pitiolus
t'indi bogant sa tristura 'e coru

candu t'infriscas in aquas de arriolus
lassendi a curri sa fatiga
e cansau
recreu agatas a s'umbra 'e turri antiga

cun perdas lanosas ancora profeziosas
de cunsillus de paxi e stima

insaras est Sardigna!

Candu est terra durci e marigosa

de totus is chi dda conoscint'sposa
candu est terra stimàt

candu est terra disigiàt e frastimàt

prena de abbundanzia e scuttori

de profumus de prexu
penas e dolori

candu est terra de cantadoris biseris

mai iscarescia
de totus declamàt

insaras est Sardigna
terra mia stimàt!

Luigi Suergiu
Nato a Ballao il 3/3/44
Via Padova
n°20
09047 Selargius (Ca)
Tel. 070 - 840629