( INNOZENTE PRESONERA )

In gabbia duos annos inserrada
ses sen'iscampu, pobera puzone!
e manu chi ti salvet non bi nd'hada,
ne coro movid'a cumpassione.

Sa libertade tua ecco chi como
ti l'ides inserrada in pagu trettu;
ses in gabbia,sa gabbia intro sa domo
che fattu chi ti l'hapene a dispettu.

Duos annos reclusa,e in custos duos
annos, pius che mannos, poberitta!
has fatt'intender sos lamentos tuos
ben'intonados da_e 'oghe afflitta!

Bennid'est su 'eranu e-i s'istiu,
poi s'attunzu,s'ierru da_e nou
torrat beranu e tue piu—piu
sighis in s'accoradu cantu tou

Pares ch'in su lamentu hapas consolu
in giamare sas tuas sorres caras,
ma non t'intenden e tando de dolu
t'isolves torra in lagrimas amaras!

Pobera presonera,ite crudele
destinu t'hat sa, vida riservadu!
Prima fit libertade tottu mele
como sa libertade ti han grusadu!

Sa manu chi ti dada a manigare
attenta osservas; times,e isperas
abbertu s'isportellu a ti lassare,
ma debbadas,e totta ti disperas!

e ti battis che fera intro sa gabbia,
ma inutile, etando duos pios
lamentosos isclamas senza rabbia;
fors'annunzias sos ultimos addios?!

Pobera presonera! Hapas a nou
gioias in sas penas chi ti dàs
e godas torra cussu coro tou
sa libertade chi oe no has.

Faghe coraggiu! Forsi cussa manu
matessi chi ti hada impresonadu
ti torret,cando torrat su 'eranu
sa libertade chi ti hat leadu!

tando tue da—e nou ancora
libera faghes nidu in ue cres,
e cantas melodias ad ogn'ora
de libertade,ca libera ses!

E cando fizoa has e sunu mannos
contabilis s'istoria
'isteis presonera cussos annos,
passienzia! Est legge naturale.

autore:

RUGGIU GIOVANNI

indirizzo:
RUGGIU GIOVANNI
SAMATZAI ( cagliarì )