Informazioni sull'opera

TESTO


1
Iscrio a sa locale Sezione
semplice poesia, ma simbolica
po truncare s'idea diabolica
intreo puru in collaborazione
eacclamo s'Associazione
Italiana Maestra Cattolica
Chi de tantu rispettu es digna
ca est cumposta de zente benigna

2
Mi so aggradescidu d s'invitu
chi m' ha mandadu sa Soziedade
ma iscuse de sa semplicídade
secundu de su modu ch'appo iscrittu
mi cumpensa cunfromma su merittu
l'oazzetto cun totta volontade
Dae coro in santa paghe e sodo
rimproveru mi diada a lode

3
A su coronamentu cultarale
de festiggiare cun tanta allegria
po sa Beata Vergine Maria
organizzadu est su festivaIe
e po sa poesia díalettale
Cumpettente han fattu Giuria
Segretariu, giornalista e professores
Chi cumprenden su giustu o sos errores

5
Basta soa su limite arrivadu
invoco sa Vergine Maria
Sanu e salvu a sa terra nadia
chi torred d 'ogni sperdidu soldadu
Cuntentade su pagu ch'appo nadu
Chere narrer chi mezzus no podia
Deo d' esser poete non m'illudo
Fino s'opera mia e bos saludo


IN MEMORIA E LODE PO ANTONI CUBEDDU


1
Utieri ti anta po Cubeddu
tue matessi ca lu ses digna
su mezzus cantadore de Sardigna
pulidu e signore in su faeddu
oun grande poesia in su carveddu
c'ha dadu a sa gara prima insigna
cantad esuberante poesia
sa prima gara in sa idda nadia

2
Sa sigunda in Sorgono l'ha fat ta
in s'annu millechimbenoichentos
restados sunu in Sorgono cuntentos
do custa poesia grande esatta
S ' invocada a Sa Vergine Beata
de li dare profundos elementos
l'aggiuada in sa mente e in su coro
e balanzadu ha sa medaglia e s'oro

3
In s'annu millenoichentosotto
In tattai su bindighi de austu
cumbinadu in sa gara finza custu
Cubeddu fi su mezzus e lu noto
c'ha balanzadu in totu su cumploto
sa medaglia e s'oro a contu giustu
superada Farina e a Pirastru
e a Gavinu Contini su mastru.

4
De ogni calidade a tentu pannos
in medaglias de oro e in diploma
ca fi su cignu in su sardu idioma
c'ha superados sos poetes mannos
dag' hada oltrepassadu norantannos
es mortu e sepellidu l ' hana in Roma
s'anima sua gosede in sa gloria
e po sa fama merita s'istoria

5
Utieri, unu grande monumentu
inalzabilu a Antoni Cubeddu
de fronte a sa funtana e Cantareddu
chi d'ogni utieresu iste cuntentu
pensade de bos fagher custu ammentu
Chi onorad anzianu episeddu
si lu faghide ponidemi in nota
finzas deo bos mando una quota


1
Nostra Segnora su Rimediu
Rimedia sa zenta de su mundu
Ca el' girada dai subra a fundu
Zerta Ambizziones est in assediu

2
Tue ses sa mama de ogni fizu
rimedia sa zente chi es mala
e ponedilos tottu sutta s'ala
tochende su coro a calaizzu

3
Pensa a frenare furia insoro
de cuddos c'han bidea risoluta
e de sas alas ponedilos sutta
tochendeli sa mente ei su coro

4
Prego de nou sas alas isterras
ei sa zente mala la covaches
dai sa mente insoro nde distacches
s'idea de partidos e de gherras

5

Osserva ene ogni Nazione
oe de periculu est in preda
dai su pagu ei candada a meda
si non evitan qusta chistione

6
Prego de nou a Nostra Segnora
d'ogni grazia santa cunzedide
a tie toccada la cunvertire
custa zente mundana peccadora

7
Samente tua suprema divina
pense po dogni fizzu babbu e mama
guai si azzenden sa fiama
cadaesse pro tottu sa ruina


8
Nostra Segnora su chi naro faghe
chi ti suplico torra dae nou

Tue prega sempre a fizu tou
chi mande su saludu e sa paghe.

9
Po sullevare custos fizzos ristos
Tue lu pode fagher, ses padrona
paghe chi enzat, ogni annada ona
chi abbundantes tenzemus sos fruttos

10
Basta so arrivadu sa finale
non poto illongare custa suprica
caridade, amore, fraternale
grazia sa zente mala duplica

Su fulferalzu

SCHEDA DELL'OPERA
TitoloIn onore della Società AIMC- In memoria e lode po Antoni Cubeddu- Supplica po nostra Segnora de su Rimediu de Ottieri
Sezione
AutoreSu fulferalzu PSEUD
Nome1958-35
Anno1958 
Argomento 
Descrizione
Lingua 
EditorePremio Ozieri
ContributoreTecnoservice s.r.l.
Tipo 
Formato 
FontePremio Ozieri
RelazioneConcorso Premio Ozieri 1958 
CoperturaLogudoro, Sardegna Italia
DirittiComune Ozieri, Premio Ozieri
Analisi del Testo