Informazioni sull'opera
TESTO
IN MESU 'E PEDRAS FRITTAS
Ispisinzu
de andanta
a pesu 'e giuales
mi mustrat
sa lughe 'e sos chintales.
Sainettes
de iscias traessadas
annoàdos
giompen torra a tivas
cun sos arrastos
de disizos aurtidos
chi pittigan
che isprones inchietos.
Mi chirrio sos isteddos
in s'appittu 'e terra ruja
chi est banzigu de s'anima
in mesu 'e pedras frittas.
In cussas ranzas de terra
inue m'ispijo e m'appento
assento dies rebelles.
Inie annotto fittiana
s'istria in bestes de jana
chi m'istigat e infadat
sas andalas signadas.
Inie isetto 'uttios limpios
pro custas manos arridas
e giuntas potan buffare
torra in lacos pasados.
Maria Sale
Via Brigata Sassari
07030 Chiaramonti
Tel 079569403
SCHEDA DELL'OPERA
Titolo | IN MESU 'E PEDRAS FRITTAS |
Sezione | |
Autore | Maria Sale |
Nome | B20030084 |
Anno | 2003 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2003 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |