-IN CAMPAGNA-

Scosteus is tendinas
chi s'hat fattu su ragnu,
ia tendinas de seda:
custa noa buttega
cun portat e vetrinas.
Ca su passeru cantat
cun s'amanti in su niu,
ca è troppu nodiu
custu bellu mengianu.

I eccu una farfalla
cun is alas de oru,
dda bidi una pippia,
tendit sa manu lesta,
sussultat in su coru
Ma sa farfalla de oru,
est un'essiri in festa:
un colori chi danzada
in celu 'e primavera

(Biancospino)


-SA FARFALLA--

Aici bella e modesta,
cun is alas de oru
sa pippia dda bòlidi

timidamenti avànzada,
sussàltad ' in su coru.
Ma sa farfalla de oru,
est un'esseri in testa:
un colori di dànzada
in celu'è primavera.

( Biancospino )


CANTIDUS DE BERANU

Sa rùndili chizzana
cantat in sa fontana:
-Bella di: bella dì bella dì:

Però su crucculsu
rispùndit: "deu... deu...
non ci creu! Podit essi podit essi!

Sa perdixi de gabbia
nàrat insas cun rabbia:
-Ca giai! ca giai! oa giai!-

E su passirilanti (1)
rispundit in s'istanti
-No ddu bisi? no ddu bisi? no ddu bisi?-

Su ghiri nas'a mei
ca bufu su cafei:
-Una cicarra...una cicarra...una cicarra

Ma su sabon'èaraza
di rispùndit de praza:
-Cuccurucù ? Nci seu deu!!-

(1) Usignolo-

(Biancospino)


EPIGRAMMAS

-A UNU PASTORI-

Depiast'essi un santu, lontane'sa genti,
custodend' in campu su greggi cun zelu:
Gesù Cristu puru si naràt "pastori".
Però furas troppu, e pregas su Signori
chi un'atteru ladru portit a su Xelu.

-A UN CALZOLAIU-

Ge'd'has imparada cust'arti, Arremundu
giuru ca no nd'has a morri nomenau:
ca m'has fattu un pei longu e unu tundu...
chi mi pongiu a curri'atturu trobeddau.

-PO UNU CUADDU-

Che i su cuaddu de Pepp'Antiogu'
ni mai in su mundu ndi torrat a nasci:
ca non pòrtat dentis, solamenti un'ogu,
e ndi tòrrat mortu cand'andada a pasci.

-PO UNU PRIOGOSU-

Su priogu pintat sa conca è Antoni
de tanti coloris, cun bellus iscraxius;
ca ndi ddu hat murrus, biancus e braxius,
a conc'arziada comente isturrus,
ca ndi ddu hat braxius,biancus e murrus,
ddo i nd'hat po fina a corra furriada.

(Biancospino)