In antariles de vida


In antariles de vida
m'intendo che pedidora
lemosinende
giagas de gosu.

Oras iscurigadas
m'ammustran
su rier de sos isteddos

e
in su mudine

sonnios bramados
m'addillin.

Oghes de 'entu

imbeleschidas

mi torran
a campuras noales.

Solu sa luna m'amiddat
cun carignos de chelu

isvelendemi
misterios cuados
chi
resinnada

in s'animu friscio.

Frinas faineras
m'abbrazzan

e
a su curre-curre

nd'iscuttinan
mizas de istellas
pro las apporrire
a un'attera notte

agghindendela
d'eternu lugore.