Iddiada

Isteddas mudas
in su lugore frittu
postu a palas
de una notte pessosa
e sa luna pispisiende
in su selenu
cantu de prata
b'at in pizu 'e lughe.

Est falada sa 'iddia
a manzanile
e si annapat sa vista
a sa ventana mia.
Tando iscrio
cun su poddighe infustu
peraulas de amore
pro chi restene
imprentadas in su idru
e trasparenzias de lughe
tott'in ziru
mi s'aberzant che incantos a sa vista.

Poi a s'ingrinada
finit su frittu
e tebiu si faghet
su sole 'e su manzanu.
Lagrimende mi irvanessit
cantu iscrittu
in d'una notte izada
acor'in manu.

Iste vene Flore
Nato ad Anela (SS) II 31 / 03 /1943.
Residente in Via G. Matta
7
O7100 SASSARI
Tel.079.298155