Informazioni sull'opera
Terra mia bella e santa
Terra mia
bella e santa
chi ti bramo notte e die
soe lontana e pens'a tie
ca mi mancas tottaganta
Impressu nd'hap' in coro
funtanas de abba frisca
muros de figumurisca
cando sun colar'e oro
Sas binzas de muscadellu
de pabassas e de 'inu
in s'oru de su caminu
sos fiores de su gravellu
Cando pizinn 'andaia
orzu e trigu a bentulare
chena mai mancu pensare
chi tott'in cue lassaia
Chimbant'annos die pro die
terra mia
bella e santa
una vida tottuganta
m'hap ' abbandonadu a tie
Cand'ancor'una ighina
m'iscriet da' inue fia
cun carchi fotografia
o un'antiga cartulina
De su corpus ogni pilu
m'intendo intro tremare
devo su piantu frenare
su distinu est duru filu
Ogn' unu sighit su sou
in su malu e in su 'onu
nisciunu nd'est padrona
nudda mai torrat de nou
Sa vida mia est'inoghe
e pro t'haere pius vicina
nde curo ogni raighina
ogni sonu e ogni oghe
Tottu pro onorare a tie
terra mia
bella e santa
mi ses cara tottaganta
finzas a s'urtima die
M'has esset nostalgia
finzas in sa sepultura
narami divina e pura
una sarda "Ave Maria"
anna maria sechi
nata il 06 0341
Rec/Rue L. Biernaux 4
6040 Jumet-Belgio
| Titolo | IA BELLA E SANTA |
| Sezione | |
| Autore | Anna Maria Sechi |
| Nome | A20030012 |
| Anno | 2003 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2003 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |