Fueddus e Paraulas

Utalabì! Fueddu de gherra

a boxi de mortu.
Passientzia. Fueddu de cunfortu

in su dolori.
Mintzidiu. Fueddu de ingannu
bestiu de biridadi.
Trampas. Fueddus a istrumpas

in sa storia nosta

cungeniaus a posta

de is meris po is iscraus.
Fueddus disisperaus
impastaus de famini
e de miseria.
Fueddu spéndiu po s'onori:
lìmpiu che aba de riu.
Fueddu donau in s'altari
po ligari duus corus
in sa vida.
Paraulas a cunfrontu
chircan sa veridade
fatende iscola in su coile.
Fueddus ammesturaus
comente 'e su framentu

bos apo in coro:
Fueddus de Campidanu

paraulas de Logudoro.
Cun bois cantu su dillu

cun bosatums su trallallera.
Paraulas de ispera

ispartas in sa terra

ponei paxi in donnia logu

ponei paxi in donnia gherra.