Frutturi d'attugnu


Candu li primi ebi
fazini ischuppià
in risa la figga

e lai meragranadda
s'isghrana ruia che foggu
pa accuoglì bicchi
di pizoni famigosi
la figgadindia tigni
di curori la campagna
incurunendi pari d'ipini.

la muriahessa
s'infrescha di lintori
misciaddu a lu piubaru
i l'utturini dimintigaddi

mera
e meraghidogna
ischuminzani
a cagginni a frundia
isthirrendi un tappettu
a li pedi di l'aiburi.

Casche ischaruggia d'uba
immintigadda da la vinnannera
zercha l'uthimi raggi di sori
pa divinità pabassa.

Lu caccu
zeivu e aipru
s'ingroga i li ratti
nudi di fogli.

Mendura e nozi
s'ispogliani
di la prima buccia
in zercha di pabassini
pa li Santi

La castagna brinca
da in nidu d'ipini
in un aisettu
d'assenni accoltha
prima di ticcià
cunigliuri e purchrabi


Matracchi di carrubbi
ibatturaddi da In ventu
sonani una musiga
d'un attugnu chi no si po'...imminiggà