-FRUTTOS DE SA VOLONTADE.

Sa volontade chi miras divinas
hat, totta'e bonidade si coberidi,
e generosa dogni via aberidi
ca de sas facultades'est padrona;
risolvet sos problemas'a su bona
e cunvertid'in rosas sas ispinas.

Ma medas bortas, de sa volontade
ateras facultades no azzettana
su dominiu sou, e l'assuggettana
a istare a i custas suttammissa,
e cand'in tottu no imperad'issa
daet fruttos de mala calidade.

Pro aer'assoluta padronanzia
de ogni facultade
si deved'educare cun amore
regulende ogni gustu e ogni sensu,
pedende sempr'a Deus su cunsensu
de ogn'opera nostra cun costanzia

Cand'eat de gai regulada forte,
tando decisa passat dogn'ostaculu,
Paret chi tott'ammajet pro meraculu
ch'in dogni. coro imprentas dulches lassadda
est tottu biadu inue passada
paren'incantos de s'eternu corte

Tando si narat bonu volontade
e u est issa, non b'hat cuntierra;
no b'hat disamistade non b'hat gherra
ma solu paghe cun fraternu amore,
ca si b'hat in sos aninos candore
b'est s'impiantu'e da felicidade.

SERRAVALLE


Ite est s'omine

1°
Unu erme terrenu,
naschidu cun sa conca bustu e ancas;
sos brazzos cun sas francas,
orijas, ojos, su nasu, sa ucca,
in conca sa pilucca
didos, ungias in pes'e in manos
a ateros istranos
signales chi cumpletan'sa fattura.
Si paschet de alenu
e fruttos ohi produet su natura

2°
Hat virtude, deffettos
su simile lu odiad'o l'amada;
lu occhid'o li bramada
sa morte, o pro issu dat sa vida;
chie cun asurida
brama, alze furat s'anzenu suore;
e chie cun amore,
s'ispozat de su sou in caridades;
bindhat dortos,derettos,
insumma sun de tantas calidades.

3°
Intelligent'e forte,
curret in terru, attraessat su mare
s'est pesad'a bolare
o s'est pur'e s'aera impadronisu;
isfruttare s'est bidu
de s'elettricidade sa potenzia;
hat fatt'isperienzia
cuns'atomo, e si tenet sa fortuna,
olvidende sa morte,
narat ch'andad'a marte e a sa luna

4°
Povera creatura,
impastad'e orgogliu e presumida
siahas cara sa vida,
cussas illusiones
ca una oghe arcana
det narrer:"non pius ultra, resta in terra"
tott'est vana sa gherra
chi cheres fagher, si non chered Deu,
una morte segura
agatas si t'attrivis, bellu meu!

SERRAVALLE


RICCU SIAS UMANU

0 riccu, s'ides unu bisonzosu,
no isettes chi t'enzad a sa janna
a ti pedire tremende che canna
su chi li mancat, ma cuidadosu
daebilu cun coro generosu,
chi t'aquistas nobilesa manna
ca s'epulone chi mustrat sa sanna,
in chelu mai poded'aer gosu
Tenel'affettu, pensa chi t' est frade,
e no ti toccat fama ne decoro
cando lu trattas cun docilidade .
Già ahi tenes bundante pr ta e oro,
daend'una minore cantidade
a isse'e daebilà a bonu coro.

SERRAVALLE