In bisione intenno unu baschizzu

chi non mi faghet manc'aperrer'ogu.
Ma
abbaidanne bene
'e cussu logu
n'apo leadu subìtu assimizu
de zassu 'e paghe e de ritiru

de silenziu
e tottu est in serenu

e onzi crucuzzone est pienu
de lughes e de flores de ammiru.
Solu solu mi fatto unu ziru

e bio s'umbra de connotas caras
de pessones chi
medas e raras

dotes tenian prima chi su respiru
essen lassadu po s'eternidade

E tottus mi paret chi mi miren
fissos
e poi sa cara che ziren
po bregunza 'e pedire piedade.
Ma sos ojos incontran una losa
cun sa lastra casi consumada

in cue
chi est de meda collocada

portat iscritta una frase curiosa:
Frimadi unu minutu po penzare
de ischire it'est s'esistentzia,
s'est un 'inmmensu mare de dolentzia
inue si che podet affunnare!
E deo alzio sos ojos a chelu

in cilca de cunfortu e de consolu

ma in s'aera trista du e bio
solu

nues doradas
e nessunu anelu.
De improvisu cussu nieddu velu

chi si fut intanadu in mente mia
ch'est 'isparidu tott'in d'una ia

coment'isparit de anzone su elu.
E una paghe interna
s'elena

m'est'isprata in s'intragna che lentore

ca seo torradu de nou 'e bon'umore
ca mi ch'est illargada donzi pena.
Ma onzi tantu torraia cun passentzia
a fagher a cussu logu un'infretzida

e in sa mente mi murigaiat sighida
sa domanna: "it'est s'esistentzia?"