FOGU ATTUDDADU


Curren sas ancas istraccas de sa mente

in s'adiosu 'e su sero

chirchende muscas biancas in s'aera

pro s'iscuru 'e su coro.

Sulos fittianos de solidade
sun isperoende in d'unu disizu.

In su desertu 'e s'anima

panafittas de nie
ilieran lagrimas de fogu attuddadu.

Una nue s'accerat in chelu

e riende sizit sa ventana.

Gioghende unu garici cun sa sorte

imberrio un'avreschida noa.

Ma est longa sa notte

in bratzu a sas dudas.